Pekasem Sapi

"Pekasem apa Mang. Pekasem Kulet Sapi, ok..." Ngisel udeh e urangtua due di nya ketabe. Saking nua ketabe, beraik aek mata e.

"Rupa e yang nama pekasem tetep busok lah Ji ok, dek ngerawat yang nama e pekasem sapi." Lah ketabe ulak urang due di.

Bujang Kelincot yang dari tadi ngintai di baweh umah, sama ye lah. Dudok kan bediri kan. Tangen e nutop sungot, dek setahan agik uman e nya kek nahan ketabe.

Wak Ikak yang dari tadi ngintai pulah Bujang Kelincot, ngerngem uge. Belambet e nya ke dapuk. Ambik nya aek seimber. Terawwww.... nya siram ke baweh, belunat Bajuk Bujang Kelincot.

"Ne baru baseh, keceker lah boh ujong-ujong e ngintai kisah urang di..." Dek minga Bujang Kelincot lumpat. (*)

kelekaklukok, 02022013